Annexes: contrat de mariage en 1651
CM Petry de Récart cadet de Latzague & Marie de St Martin héritière de Celhay.
Bardos le 30.5.1651 (Cote III E 7613)
Scaichent tous que ce jourdhuy trentiesme du mois de mai mil six cens
Cens cinquante ung apres midy en la paroisse de bardos et maison de
Lissalde pardevant moy notaire royal soubzsigné et tesmoins bas
Nommés pactes et accords de mariage ont été faicts et passés (par parolle de futur)
entre marie de selhay vfue de fue arnault de senmartin dame de la maison
de selhay avecq ladvis et assistance de Jean de selhay son père faisant et
contractant pour marie de senmartin sa fille aisnée et dudit fue heritière
coutumière de ladite maison et biens d’une part et Jean de Récart et pierre
de sorhouette beau père et gendre dictz de latzague faisant et contractant pour
pierre de récart leur fils et beau frère les tous habitants dudit
bardos d autre lesquelles parties reciproquement promettent faire solempnizer
ledit mariage en face sainte mere esglize catholique apostolique romaine
a toutes heures que l une partie en sera requize par l autre pour
les exports ( !) des charges duquel mariage part portion et droict de legitime
paternelle et maternelle que ledit futeur pourroict appartenir
sur ladite maison et biens de latzague lesdits de recart et de sorhouette l ung
pour l autre et ung chacun deulx seul pour le tout renonceant au benefice
de division discussion et ordre de droict que leur a este donné a entendre par
moy dict notaire le constituent de dot luy vesteu honnestement quitte de
tous debtes une vache plaine ou avecq son petit une jeune vache
pour le dit futeur conjoinct une truye plaine ou avecq ses petits une autre
jeune truye dix huit jeune brebis cent pommiers pour planter vingt livres
pour le bois deth.. ? trente livres pour le presant de ladite de selhay
et la somme de sept cens cinquante livres moytié argent comptant
et l autre moytié en emploicte raisonnable a cognoissance dexperts
sans en ce comprendre le caval particulier que ledit futeur conjoinct a
quy est et sera pour luy en son particulier laquelle dite somme de sept
cent cinquante livres et autres choses susdites lesdits beau père et
gendre solidairement comme dict est ont promis et promettent payer
bailler et delivrer aladite de selhay acceptante les habits et present dicelle
de selhay le jour ou veille des nopces les autres choses dotalles de jour
en jour apres les nopces septante cinq livres en argent quinze jours
avant les nopces cent cinquante livres pendant le jour et feste
de noel prochain ? ung an et par chasque de feste de noel apres
suyvantes et consceutifues et chacune dicelles autre cent cinquante
livres jusques a effectue payement excepté le dernier terme qui
sera de septantes cinq livres l ung terme nattandant l autre a peyne
de tous depens domaiges et interets recepvant laquelle dite somme
et choses susdites ladite de selhay apromis affecter et ypotequer comme des
apresentsur tous et chacun ses biens pour le tout rendre et restituer
en cas de desavienement dudict mariage sans enfants et diceux enfans
en cas en y eut heu sans posterité audit futeur conjoint en vie
restant et en son deffaut audicts beau pere et gendre leur heritiers et
successeurs et pour ce dessus tenir lesdites parties chacune pour son
tout oblige et ypoteque leurs personnes et biens meubles et
immeubles presents et advenir qu ils ont soubsmis a toutes rigueurs
de justice a qui la cognoissance en appartiendra ont renoncé a toutes
renonciations exceptions et moyens a ce dessus prejudiciables et
ainsy lont promis et juré tenir en presence de Me bernard de
mailharre prebtre et curé dudit bardos pierre de bidart bayle jean de
lissabe arnault et jean de senmartin jean de selhay et jean dalbinoritz
habitant audit bardos et bidache tesmoins a ce appelles lesdits demailharre de bidart
bayle et jean de lissabe signes et non les autres pour ne sçavoir de ce
faire sommes par moy .
Signatures. Notaire Antoine Casenave.