Annexes: contrat de mariage en 1637
Contrat de mariage de Pierre de Sorhouet & Jeanne de Récart.
A Bardos le 9.2.1637 (III E 7599)
Saichent tous que ce jourdhuy neufviesme du mois de février mil
Six sent trente sept apres midy en la paroisse de Bardos et maison de lissalde
Par devant moy notaire royal soubsigne et temoins bas nommes pactes
Et accords de mariage ont este faitz et accordes par paroles de futur
Entre Mathieu de sorhouette sieur de la maison et biens de sorhouette
Interligne : tant pour luy que pour gracy detchart sa femme absente et a laquelle il promet faire ratifier les présentes
Faisant et contractant pour pierre de sorhouette son fils legitime d’une part
Et Jean de recart sieur de la maison et biens de latzague avecq ladvis et assistence
De jeannes de larre son beau pers les tous gens de labeur habitant audit
Bardos (raturé)
Faisant et contractant pour jeanne de recart fille dudit
De recart et rier fille dudit de larre heritiere de ladite maison de latzague d’autre
Lesquelles parties reciproquement promettent faire solempnizer ledit
Mariaige en face sainte mere esglise catholique appostolique romayne
A toutes heures que l une partie en sera requise par l autre pour
Le support des charges duquel mariaige part portion et droit de legitime
Tant paternelle que maternelle que ledit de sorhouette futur conjoinct
Pourroict ? pretendre ? ? sur les biens de ses peres et meres
Ledit de sorhoette pere faisant comme dict est constitue de dot a
Son dit fils scavoir luy vestu et armé? honestement une vache
Plaine ou avecq son fruict une bime pour les futurs conjoints dix huit
Jeunes brebis ou anesques une truye plaine ou avecq ses petits une marsolle
Ou jeune truye cent pommiers pour plants neufz livres pour le
Dougat (?) une arche platte de tenence de vingt a vingt quatre conques
Fermee aclefs le drap d ung gumet ? de drap
De paris ? pour marie de larre femme dudit de recart ou pour
Icelluy vingt quatre livres douze livres pour le present aussy de
Interligne : ensemble quinze livres pour ledit de larre
Jeanne de latzague dudit de larre et la somme de
Sept cent quatre vingtz sept livres dix sols tournois moytie argent
Comptant et le reste en emploite raisonnable a cognoissance
Dexpertz le tout sans (en ce ?) les comprendre le cabal particulier
Dudit futur conjoint duquel pourra disposer a son plaisir et
Volonté laquelle somme de sept cent quatre vingt sept
Livres dix sols p et autres choses susdites ledit de sorhouette a promis
Et par les presentes promet paier ausdits de larre et de recart beau pere
Et gendre ou a leur certain mandement ? les habits arnes( ?)
Et present desdits de larre pere et fille et de latzague le jour ou veille
Des nopces les choses dotalles de jour en jour apres les nopces
Quatre cent cinquante livres de jour en jour et le restant et ?
Par ung ?de ladite somme de sept cent quatre vingtz sept livres
Dix sols quest trois cent trente sept livres dix sols la moytie
Pendant le jour et feste de noel prochain en ung an et lautre moytie ung an apres lung terme nattendant lautre a la peyne de tous
Despens domage et interetz laquelle somme et choses dotalles
Susdites lesdits de larre et de recart beau pere et gendre lung pour lautre et ung
Chacun deutz seul pour le tout sans division discussion et dordre que leur
A este donne a entendre par moy dict notaire ont promis
Et par ces presentes promettent ?? obliger affecter et
Ypotequent sur tous et chacun de leurs biens et causes meubles
Et immeubles presents et advenir pour le tout rendre et restituer
En cas de desadvienement dudit mariaige sans enfans ou diceluy enfans
En cas y en eust heu sans posteritte au futeur conjoinct en vie
Restant ou en son deffaut ausdits de sorhouette heritiers et successeurs
De ladite maison de sorhouette ? et conformement a la coustume
De labourt et demeureront lesdits conjoints assossies
A moytié dargent lesquels ung chacun pourra disposer
De sa moytié ainsy ? ? ? ? et
Pour ? ce dessus tenir lesdites parties chacune pour soy ont
Obligé et ypotequé leurs personnes et biens meubles et immeubles
Presents et advenir qu ils ont sousmis a toutes rigueurs de justice
A qui la cognoissance en apartiendra ont renonce ( ?) a toutes
Renonciation exception et moyens a ce dessus prejudiciables
Et ainsy lont promis et jure en presence de Me guilhem de
Vidart bayle pierre de colombots petry de larre petry duhart pierre
Detchart et Jean de Corresan ? Sr de lissabe dudit bardos et ?
Sg. notaire Casenave.